ओरोस | ब्युरो न्यूज : सिंधुदुर्ग जिल्ह्यातील ओरोस देऊळवाडी येथील युवक निलेश उर्फ निलू आंगणे याने राहत्या घरी गळफास लावून आत्महत्या केली. तो २७ वर्षांचा होता. शेती आणि अन्य व्यवसाय असलेल्या कुटुंबातील सरळ स्वभाव व मैत्रीसाठी तो ओळखला जात होता. त्याच्या आत्महत्येचे कारण समजू शकले नाही.
आज बुधवारी दुपारी जेवणानंतर आई वडील झोपत असलेल्या खोलीत झोपायला जातो असे सांगत त्याने २:३० च्या सुमारास गळफास घेत आत्महत्या केली. आजी व त्याचा भाऊ सिद्धेश याने निलेश बाहेर दिसत नसल्याने शोधा शोध सुरू केली. त्यातून एक खोली आतून बंद असल्याचे निदर्शनास आले. नंतर त्या खोलीचा दरवाजा तोडून बाहेर काढण्यात आले. व्यावसायिक रामदास आंगणे यांचा तो धाकटा मुलगा होता. निलेशच्या निधनानंतर दुखवटा म्हणून रिक्षा व टेंपो व्यावसायिक तसेच दुकानेही बंद राहिली होती.
