बांदा | प्रतिनिधी : सिंधुदुर्ग जिल्ह्यातील सावंतवाडी तालुक्यातल्या मळेवाड-कोंडुरे गावासाठी कायमस्वरूपी तलाठी द्याव्या अशी मागणी मळेवाड- कोंडुरे उपसरपंच हेमंत मराठे यांनी केली आहे.
मळेवाड-कोंडूरे गावासाठी गेल्या १८ महिन्यांपेक्षा जास्त काळ कायमस्वरूपी तलाठी नसल्याने शेतकरी,बागायदार, विद्यार्थी व जमीनदार यांना त्रास सहन करावा लागत आहे. यामुळे मळेवाड कोंडुरे गावासाठी लवकरात लवकर कायमस्वरूपी तलाठी रुजू करावा अशी मागणी सावंतवाडी प्रांताधिकारी प्रशांत पानवेकर यांच्याकडे मळेवाड-कोंडुरे उपसरपंच हेमंत मराठे यांनी निवेदन देऊन केली आहे. मागणीचा गांभीर्याने विचार करावा अन्यथा प्रांताधिकारी कार्यालयासमोर ग्रामस्थ व शेतकऱ्यांसमवेत उपोषण तथा आंदोलन छेडण्यात येईल असा इशारा उपसरपंच हेमंत मराठे यांनी प्रांताधिकारी यांना निवेदनाद्वारे दिला आहे.
