मालवण/ नझीरा शेख: शनिवार दिनांक 18 मार्च या दिवशी मालवण मधील प्रसिद्ध शाळा रोझरी इंग्लिश स्कूल येथे पूर्व प्राथमिक वर्गातील मुलांचा ग्रॅज्युएशन डे उत्साहात पार पडला. कार्यक्रमासाठी प्रमुख पाहुणे म्हणून रोझरी इंग्लिश स्कूल, च्या माजी विद्यार्थिनी व संजय घोडावत इंटरनॅशनल स्कूल च्या शिक्षिका श्रीम. प्रज्ञा कांबळी उपस्थित होत्या. अध्यक्षीय भाषणात त्यांनी सांगितले की, मुले ही मातीच्या गोळ्या प्रमाणे असतात. त्यांना आकार देण्याचे काम शिक्षक करतात. सध्याची पिढी खुप प्रगत आहे, नवीन गोष्टी मुले स्वत: शिकतात. त्यांना योग्य दिशा आणि मार्गदर्शनाची गरज आहे; ते वेळोवेळी त्यांना शाळेतून मिळत असते. रोझरी शाळेतील सर्व शिक्षक मुलांना कार्यरत ठेवण्यासाठी सतत प्रयत्नशील असतात. पूर्व प्राथमिक वर्गातून मुले आता प्राथमिक वर्गात पदार्पण करणार आहेत म्हणून त्यांनी मुलांचे भरभरून कौतुक केले व त्यांना पुढील वाटचालीसाठी शुभेच्छा दिल्या. प्रशालेचे मुख्याध्यापक फा. ऑल्विन गोन्सालवीस, सर्व शिक्षक व शिक्षकेतर कर्मचाऱ्यांच्या सहकार्याने कार्यक्रम यशस्वीपणे संपन्न झाला. या कार्यक्रमात ज्युनियर व सिनियर के. जी च्या मुलांनी विविध नृत्य आविष्कार सादर करत कार्यक्रमाची रंगत वाढविली. फा. ऑल्विन यांनी मुलांचे पालक व शिक्षकांचेही कौतुक केले.
- Advertisement -
- Advertisement -
- Advertisement -
ताज्या बातम्या
- Advertisement -
संबंधित बातम्या
- Advertisement -