बांदा | राकेश परब :
बांदा दशक्रोशीतील सेवाभावी व्यक्तीमत्व स्वर्गीय डाॅ. द.भि. तथा बाबा खानोलकर यांच्या जनसेवा निधी ,बांदा या संस्थेमार्फ़त दिले जाणारे २०२२-२३ यावर्षीचे पुरस्कार जाहिर करण्यात आले.यंदाचे पुरस्कार सोहळ्याचे ३४ वे वर्ष आहे.
यावर्षीचा आदर्श प्राथमिक शिक्षिक पुरस्कार पुर्ण प्राथमिक शाळा वजराट नं.१(वेगुर्ला) प्रशाळेचे शिक्षक तेजस विश्वनाथ बांदिवडेकर, माध्यमिक आदर्श शिक्षिका पुरस्कार श्री देवी सातेरी हायस्कूल,वेतोरे च्या शिक्षिका दिप्ती मोतीराम प्रभू यांना, तर एक क्रियाशील आदर्श समाजसेवक पुरस्कार कणकवली येथिल सुषमा दयानंद केणी,तर आदर्श हायस्कूल मुख्याध्यापक (माध्यमिक विभाग) पुरस्कार सिंधुदुर्ग सैनिक स्कुल व ज्युनिअर काॅलेज,आंबोलीचे प्राचार्य सुरेश तुकाराम गावडे यांना जाहिर झाला आहे.
पुरस्कारांचा वितरण सोहळा रविवारी १ जानेवारी रोजी जि.प.केंद्रशाळा बांदा नं.१ च्या सभागृहात दुपारी ३.३० जेष्ठ पत्रकार शेखर सामंत यांच्या हस्ते संपन्न होणार आहे. सोहऴ्यास उपस्थित राहण्याचे आवाहन जनसेवा निधी ,बांदा या संस्थेच्यावतीने डॉ. मिलिंद अरविंद खानोलकर यांनी केले.