सरस्वती पूजन निमित्त निगुडेत विद्यार्थ्यांना वह्या वाटप…!

बांदा | राकेश परब :
निगुडे जिल्हा परिषद प्राथमिक शाळा नंबर १ सरस्वती पूजनाच्या निमित्ताने विद्यार्थ्यांना मुंबई येथील उद्योगपती श्री. दीपक अगरवाल यांच्या सौजन्याने निगुडे जिल्हा परिषद शाळा नंबर १ मधील सर्व विद्यार्थ्यांना वह्या, बिस्किट वाटप तसेच इयत्ता सातवीच्या विद्यार्थ्यांना कंपास बॉक्स वाटप करण्यात आले त्याचप्रमाणे स्वामी दयानंद सरस्वती छात्रालय रोणापाल या ठिकाणीही विद्यार्थ्यांना वह्या वाटप करण्यात आले यावेळी कार्यक्रमाचे प्रमुख पाहुणे श्री गजानन नरसुले यांच्यामार्फत वह्या वाटप करण्यात आले यावेळी प्रमुख अतिथी रोणापाल गावचे सरपंच सुरेश गावडे, निगुडे उपसरपंच गुरुदास गवंडे, पोलीस पाटील सुचिता मयेकर, ग्रामपंचायत सदस्या समीक्षा गावडे, सामाजिक कार्यकर्ते श्री देऊलवकर, जिल्हा परिषद मुख्याध्यापक विजय नेमळेकर, सहशिक्षक शांताराम असनकर, श्री. होंडे तसेच पालक ग्रामस्थ आदी उपस्थित होते हा कार्यक्रम गेली बारा वर्षे गजानन (काका) नरसुले यांच्या सहकार्याने आयोजित केला जातो शाळेचे सहशिक्षक श्री होंडे यांनी सर्वांचे शाळेच्या आभार मानले.