बांदा | राकेश परब :
मडुरा येथील श्री देवी माऊली सार्वजनिक नवरात्रोत्सव समिती अध्यक्षपदी दत्ताराम परब यांची नुकत्याच संपन्न झालेल्या सभेत एकमताने निवड करण्यात आली. संतोष परब यांची सचिवपदी फेरनिवड झाली. नवरात्रोत्सवात विविध धार्मिक व सांस्कृतिक कार्यक्रमांचे नियोजनही बैठकीत करण्यात आले.
मडुरा माऊली नवरात्रोत्सव समितीची सभा माऊली मंदिर सभागृहात संपन्न झाली. यावेळी माजी अध्यक्ष अनंत परब, नकुळ परब, सोमनाथ परब, दत्ताराम परब, बाळू गावडे, दिलीप परब, संदिप परब, सुमंत गावडे, अरुण परब, विजय परब, रामा परब, दाजी सातार्डेकर, नारायण परब, भूषण परब, नितीन नाईक, विद्या धारगळकर, नाना परब आदींसह समितीचे सभासद मोठ्या संख्येने उपस्थित होते. नवरात्रोत्सवातील धार्मिक व सांस्कृतिक कार्यक्रमांचे नियोजन सभेत करण्यात आले. दैनंदिन पूजाअर्चा, हार व फुले, तीर्थप्रसाद, महाप्रसाद, भजने व सांस्कृतिक कार्यक्रमांची रेलचेल उत्सवात असणार आहे. प्रास्ताविक व आभार सचिव संतोष परब यांनी मानले.
