देवगड महाविद्यालयाच्या प्रतिक घाडीगांवकरचे शूटिंग स्पर्धेत यश.

शिरगांव | संतोष साळसकर :
चंदिगढ येथे ४-१५ जुलै २०२२ मध्ये झालेल्या इंटर डायरेक्टोरेट शूटिंग स्पर्धेत देवगड कॉलेज NCC Unit च्या लान्स कॉर्पोरल प्रतिक पांडुरंग घाडीगांवकरची ने ५८ MAH BN चे प्रतिनिधित्व केले. एकूण १२ पदकांसह महाराष्ट्र डायरेक्टोरेट ने अव्वल स्थान मिळवत ही शूटिंग चॅम्पयनशिप जिंकली. प्रतिकची निवड G. V. मालवणकर चॅम्पियनशिप (प्रि- नॅशनल) साठी झाली आहे. यामध्ये यशस्वी ठरल्यास प्रतिक भारताचे प्रतिनिधित्व करीत आंतरराष्ट्रीय स्तरावरील स्पर्धांमध्ये सहभागी होऊ शकेल. २०१९ पासून देवगड महाविद्यालयामध्ये आर्मी NCC चे १०७ कॅडेटस् चे युनिट पूर्ण क्षमतेने कार्यरत आहे. कॅम्प, फिटनेस ट्रेनिंग, शूटिंग, आपत्ती व्यवस्थापन इ. चे प्रशिक्षण विद्यार्थ्यांना NCC मधून दिले जाते. प्रतिकला देवगड कॉलेजच्या NCC ऑफिसर लेफ्ट. डॉ. सुनेत्रा ढेरे, केअर टेकर प्रसाद मालवणकर, ५८ MAH BN आणि पुणे ग्रुप HQ चे स्टाफ यांचे मार्गदर्शन लाभले. प्राचार्य, सर्व स्टाफ आणि संस्था पदाधिकऱ्यांकडून प्रतिकचे मनःपूर्वक अभिनंदन.