कोणत्याही क्षणी कारवाईचा महाराष्ट्र मेरीटाईम बोर्डाचा इशारा…!
आज सायंकाळी 5 वाजेपर्यंत आहे नोटीशीद्वारे मुदत…!
मालवण | सुयोग पंडित : आज मालवण बंदरजेटी येथील स्टाॅलधारक चिंताग्रस्त झाला आहे.
महाराष्ट्र मेरी टाईम बोर्डाने स्टाॅलधारकांना अंतिम नोटीस देत असल्याचे सांगत स्टाॅल्स हटवण्याच्या सूचना दिल्या आहेत.
बंदर निरिक्षकांच्या स्वाक्षरी असलेल्या नोटीसा व त्यातील मुदतीची वेळ व तारीख पाहून स्टाॅल धारकांची एकच गाळण उडाली असून संबंधीत सर्व स्टाॅलधारकांमध्ये घबराट पसरली आहे.
दोन वर्षे कोरोनामुळे ठप्प असलेला पर्यटन हंगाम केवळ तीनच महिने कसाबसा चालला आहे व तो ही आता केवळ पंचवीस दिवस शिल्लक राहीलाय त्यामुळे ही मुदत निदान जून महिन्यापर्यंत द्यायला हवी होती असे स्टाॅलधारकांचे म्हणणे आहे तर दुसरीकडे हे स्टाॅल्स मेरीटाईम बोर्डाच्या हद्दीत आहेत व वारंवार नोटीसा देऊनही न हटल्याने आज सायंकाळपासून ही कारवाई कधीही चालू होणार असे महाराष्ट्र मेरीटाईम बोर्डाच्या नोटीशीत नमूद केलेले आहे.
आता स्टाॅलधारक व स्थानिक शासन व प्रशासन याबाबत काय निर्णय घेतात किंवा फेरविचार करतात याकडे स्टाॅलधारक लक्ष लावून आहेत.
स्थानिक लोकप्रतिनिधींच्या याबाबतच्या भूमिकेकडेही स्टाॅलधारक आशेने पहात आहेत असे सूत्रांकडून समजते.
फोटो : प्रातिनिधिक
