समाजकारणातून राजकारण केलेले कांदळगांवकर पहिल्या क्रमांकाने उत्तीर्ण झालेत असेही प्रतिपादन.
खासदार राऊत व आमदार वैभव नाईक यांची कांदळगांवकर यांच्या निवासस्थानी जाऊन सदिच्छा भेट…!
मालवण | सुयोग पंडित : सिंधुदुर्ग रत्नागिरीचे खासदार विनायक राऊत आणि आमदार वैभव नाईक यांनी मालवणचे माजी नगराध्यक्ष महेश कांदळगांवकर यांच्या घरी जाऊन सदिच्छा भेट घेतली.
तत्पूर्वी दुपारी 11:30 वाजता आमदार वैभव नाईक यांनी प्रथम शिवसेना शाखा मालवण येथे भेट दिली. यावेळी त्यांनी शहरातील पदाधिकारी,कार्यकर्ते यांच्याशी विविध विकास कामांबद्दल चर्चा करुन त्यांना मार्गदर्शन केले.
यावेळी तिथे युवा सेना शहर अध्यक्ष मंदार ओरसकर ,तपस्वी मयेकर, माजी नगरसेवक मंदार केणी, माजी नगरसेवक महेश जावकर, किरण वाळके, नरेश हुले , माजी नगरसेवक पंकज सादये, संजय कासवकर ,प्रसाद आडवणकर, पृथ्वीराज जोगी,सन्मेष परब व पत्रकार उपस्थित होते.
यानंतर खासदार विनायक राऊत यांचे आगमन झाल्यानंतर आमदार वैभव नाईक यांनी त्यांच्या समवेत मालवण शहराचे माजी नगराध्यक्ष व नुकतेच पक्षत्याग केलेले नेते महेश कांदळगांवकर यांच्या निवासस्थानी जाऊन सदिच्छा भेट घेत चर्चा केली.
यावेळच्या चर्चेनंतर खासदार राऊत यांनी माजी नगराध्यक्ष महेश कांदळगांवकर यांच्या कार्यपद्धतीची विशेष प्रशंसा करुन ते आपल्या शिवसेना पक्षातील अत्यंत स्वच्छ व चांगली प्रतिमा असलेले शहराचे नेतृत्व असल्याचे प्रतिपादन केले.
महेश कांदळगांवकर यांना कोणतीच राजकीय पार्श्वभूमी नसूनही ते सामाजिक मार्गाने जी राजकीय वाटचाल करत आले आहेत त्याची खासदार राऊत यांनी मुक्तकंठाने प्रशंसा केली. पक्षाचे संघटनात्मक धोरण कोणी खिळखिळे करत असल्यास ते सहन केले जाणार नसून आम्ही आमदार खासदार व संपूर्ण शिवसेना महेश कांदळगावकर यांच्या पाठीशी ठामपणाने उभी असल्याचेही खासदार राऊत यांनी सांगितले. आगामी शहर निवडणूका त्यांच्या व अन्य सहकारी पदाधिकारी यांच्याच नेतृत्वाखाली लढवल्या जाणार असून मालवण शहर कार्यकारणीतही फेरबदल करणार असल्याची माहिती त्यांनी दिली. यावेळी तिथे आमदार वैभव नाईक, माजी नगरसेवक मंदार केणी, माजी नगरसेवक दर्शना कासवकर, माजी नगरसेवक नितीन वाळके , किरण वाळके,तपस्वी मयेकर, माजी नगरसेवक महेश जावकर, भाई कासवकर व इतर नेते, मान्यवर व कार्यकर्ते उपस्थित होते.
