मालवण | प्रतिनिधी : चिपळूण येथील महापुराच्यावेळी पूरग्रस्तांना स्वयंस्फूर्तीने मदतकार्यात सहभागी होणाऱ्या मालवणातील विघ्नहर्ता आपत्कालीन गृपच्या कार्याची दखल घेऊन भगीरथ ग्रामविकास प्रतिष्ठानच्यावतीने या ग्रुपचे संचालक दामू तोडणकर, सचिन गोवेकर आणि त्यांच्या सहकाऱ्यांचा ह्रदय सत्कार रविवार दि १५ ऑगस्ट रोजी दुपारी ३ वाजता मालवणच्या स .का.पाटील सिंधुदुर्ग महाविद्यालयात आयोजित करण्यात आला आहे या कार्यक्रमात या ग्रुपला एक लाख रुपये किमंतीचे साहित्य वितरित केले जाणार आहे.
चिपळूण येथील महापुरात मदकार्यात मालवण मधून स्वयंस्फूर्तीने सहभागी झालेले मालवणातील विघ्नहर्ता आपत्कालीन ग्रुपचे दामू तोडणकर, सचिन गोवेकर आणि त्यांच्या सर्व सहकाऱ्यांचा सन्मान करण्यात येणार आहे या कार्यक्रमाला मालवणचे तहसीलदार अजय पाटणे, सी ए अशोक सारंग, डॉ. सुभाष दिघे, स का पाटीलच्या प्राचार्या डॉ उज्वला सामंत मॅडम,मालवणचे पोलीस निरीक्षक श्री सोनू ओटवणेकर, विजय केनवडेकर,पत्रकार महेंद्र पराडकर उपस्थित राहणार आहेत अशी माहिती नगरसेवक गणेश कुशे यांनी दिली.