शिरगांव | संतोष साळसकर : (विशेष वृत्त )सिंधुदुर्ग जिल्हातून आपत्ती निवारणासाठी अनेक स्वयंसेवी संस्था, एन जी ओ , सरकारी यंत्रणा, प्रशासकीय प्रणाली, धर्मादाय मंडळे यांनी नेहमीच कंबर कसून मेहनत घेतलेली आहे.देवगड तालुक्यातील शिरगांव येथील रहिवाश्यांनी या अनेक संस्थांसोबतच सोबतच एक वेगळा आणि अनोखा आदर्श समाजासमोर ठेवलेला आहे. शिरगांव परिसरातील ग्रामस्थांनी खेड-पोसरे येथे २२जुलै.रोजी डोंगर खचून झालेल्या दुर्घटनेतील १७मृत्युमुखी पडलेल्या व्यक्तीच्या नातेवाईकांची स्थलांतरीत करण्यात आलेल्या अलोरे या गावी प्रत्यक्ष भेट घेऊन त्यांना आर्थिक मदत दिली.
या दुर्घटनाग्रस्थ नातेवाईकांची मुले सुजल मोहिते(इ.१२ वी.),राणी मोहिते (इ.८वी.) या अनाथ मुलांना प्रत्येकी ९५०० रु.चा धनादेश व विनय मोहिते (वय-३वर्षे),विराज मोहिते (वय-४ वर्षे) यांना त्यांच्या पुढील शिक्षणासाठी प्रत्येकी ९०००रु.रोख देण्यात आले.
यावेळी कास्ट्राईब शिक्षक संघटना सिंधुदुर्ग चे अध्यक्ष किशोर कदम,उपाध्यक्ष विद्यानंद शिरगावकर,देवगड तालुकाध्यक्ष सूर्यकांत साळुंखे शिरगाव-शेवरे ग्रुप ग्रामपंचायतीचे सरपंच समीर शिरगावकर,अजय मोहिते व पोसरे गावातील ग्रामस्थ उपस्थित होते.
या आर्थिक मदतीसाठी मुंबई-भायखळा येथील नायब तहसीलदार भरतकुमार नाईक,ग्रामसेवक युनियनचे जिल्हाध्यक्ष मंगेश साळसकर,शिक्षक संघटनेचे सरचिटणीस संतोष क्षीरसागर, विद्यानंद शिरगावकर,सूर्यकांत साळुंखे,महेश कांबळे,सतीश तांबे,संदेश तांबे,विजय कदम,मनीष जोशी जुवाटकर, सुषमा सावंत,सुरेंद्र यादव महाराष्ट्र राज्य विद्युत वितरण कंपनीचे सुपरवायझर संजय शंकर जाधव,जयानंद शिरगावकर,आमिष साळुंखे,संदीप कदम(जानवली),शिरगाव-शेवरे ग्रुप ग्रामपंचायत चे सरपंच समीर शिरगावकर आदींसह अनेकांनी सुमारे ४१०००/-रु.व वस्तुरुप मदत केली. शिरगांव गावच्या परिसरातील सामान्य ग्रामस्थांनी आपत्तीनिवारणीसाठी केलेली ही मदत एका वेगळ्या ग्रामीण सक्षमतेचाच नमुना आहे. सामान्य नागरीक स्तरावर सिंधुदुर्ग जिल्ह्यातील हे शिरगांव माॅडेल भविष्यात इतर अनेक गावांना एक दिशा दाखवेल असा विश्वास अनेक समाज विश्लेषक व्यक्त करत आहेत.
