बांदा | राकेश परब : जिल्हा परिषद पूर्ण प्राथमिक शाळा विलवडे नं. १ प्रशालेत जागतिक महिला दिन संपन्न झाला. प्रशालेत विद्यार्थ्यांनी व पालक महिला भगिनींसाठी महिला मेळावा, किशोरवयीन मुलींसाठी समुपदेशन सत्र, पाककला,रांगोळी, मुलींसाठी मनोरंजन कार्यक्रम विविध स्पर्धेला उत्स्फुर्तपणे भाग घेत कार्यक्रम यशस्वी केला.
८ मार्च ते १२ मार्चपर्यंत शाळेत विविध स्पर्धा, गुण दर्शन कार्यक्रम संपन्न झाले. यावेळी दत्तक पालक योजनेतर्गत बांदा केंद्र शाळेच्या शिक्षिका सरोज नाईक यांनी ३ हजार रुपये देणगी दिली.तसेच माजी तंटामुक्ती अध्यक्ष राजाराम दळवी यांनी १२ हजार रुपयांची देणगी शाळा दुरुस्तीसाठी म दिली. यावेळी सरोज नाईक,कोव्हीड योध्दा मैथिली परब यांचा शाल व श्रीफळ देऊन सत्कार करण्यात आला.डाॅ.मणेरीकर,शाळा व्यवस्थापन समिती सोनू दळवी,शिक्षिका सुप्रिया सावंत,मनोहर गवस,दिपाली गाडे,सुस्मिता मांगले, अपर्णा दळवी यांनी कार्यक्रम यशस्वी करण्यासाठी विशेष मेहनत घेतली.
