सिंधुदुर्ग जिल्ह्याची कन्या आहे हिमानी परब..!
मसुरे | प्राजक्ता पेडणेकर : शारिरीक तथा मानसीकदृष्ट्या अतिशय खडतर अशा मल्लखांब क्रीडा प्रकारात अर्जुन पुरस्कार प्राप्त, सिंधू कन्या हिमानी परब हिचा कांदिवली मुंबई येथे भारतीय जनता पक्षाचे आमदार सिंधुदुर्गचे सुपुत्र आदरणीय भाई गिरकर यांनी नागरी सत्कार केला.
हिमानी परब यांना पुढील वाटचालीसाठी शुभेच्छा देऊन त्यांच्याप्रमाणे कोकणातील इतर विद्यार्थ्यांनी विविध खेळ प्रकारात उत्तुंग यश संपादीत करावे व कोकणाचे तसेच महाराष्ट्राचे नाव जागतिक स्तरावर पुढे न्यावे असे असे मत हिमानी परब च्या सत्कार प्रसंगी आमदार भाई गिरकर यांनी मुंबई कांदिवली येथे बोलताना व्यक्त केले. आमदार भाई गिरकर हे सिंधुदुर्ग मधील सर्वच क्रीडा प्रकारातील खेळाडूंच्या मागे नेहमीच खंबीरपणे उभे असतात. मलखांब या खेळाला सुद्धा जागतिक दर्जा मिळवून देण्यासाठी आमदार भाई गिरकर यांचे योगदान मोठे आहे. हिमानी परब हिने सत्कारास उत्तर देताना सांगितले गिरकर साहेब आणि भाजपच्या वतीने आज जो माझा सत्कार झाला हा मला कायम स्मरणात राहील. यावेळी संजय बाविस्कर आणि भाजपचे पदाधिकारी उपस्थित होते.