जिल्हाधिकारी श्री. किशोर तावडे आणि सावंतवाडी पोलिस यांना दिले निवेदन.
मालवण | प्रतिनिधी : सिंधुदुर्ग जिल्ह्यातील सांगेली इथल्या नवोदय विद्यालयातील विद्यार्थी विषबाधा प्रकरणाची ह्यूमन राईटस् असोसिएशन फाॅर प्रोटेक्शन यांनी गंभीर दखल घेतली आहे. या विषबाधा प्रकारतील जबाबदार असणार्यांवर तत्काळ कठोर कारवाई करण्याची मागणी ह्यूमन राईटस् असोसिएशन फाॅर प्रोटेक्शन यांच्या वतीने कोकण विभागीय अध्यक्ष संतोष नाईक यांच्या सह जिल्हा सचिव अर्जुन परब, जिल्हा महिला संघटक सौ. शिवानी पाटकर, सावंतवाडी तालुका सचिव ॲड. संदीप चांदेकर, देवगड तालुका सदस्य राज खडपे व इतर पदाधिकारी सदस्य यांनी जिल्हाधिकारी सिंधुदुर्ग श्री. किशोर तावडे आणि सावंतवाडी पोलिस ठाण्याचे एपिआय श्री. इंगवले यांच्याकडे, ११ मार्चला लेखी निवेदन देत केली.
या निवेदनाद्वारे नवोदय विद्यालय सांगेली येथे विद्यार्थ्यांच्या शारिरीक, मानसीक व शैक्षणिक वाटचालीसाठी प्रतिकूल वातावरण असल्याचा आरोप ह्यूमन राईटस् असोसिएशन फाॅर प्रोटेक्शन, सिंधुदुर्ग यांनी अनेक पालकांशी चर्चा व तक्रारींनंतर हे निवेदन देताना या सर्व प्रकाराला विद्यालयाचे प्राचार्य एम के जगदीश यांचे निलंबन व ठेकेदारावर गुन्हा दाखल करायची मागणी केली आहे. या सर्व कार्यवाहीचा अहवाल पंधरा दिवसात ह्यूमनराईटस् असोसिएशन फाॅर प्रोटेक्शनकडे सादर व्हावा अन्यथा याची न्यायालयीन दाद मागितली जाईल असेही या निवेदनात नमूद करण्यात आले आहे.
सन्माननीय जिल्हाधिकारी व सावंतवाडी पोलिस यांनी या विषयी योग्य ती कार्यवाही केली जाईल अशी ग्वाही दिली असल्याची माहिती ह्यूमन राईटस् असोसिएशन फाॅर प्रोटेक्शन यांच्यावतीने कोकण विभागीय अध्यक्ष संतोष नाईक यांनी दिली. घडलेला प्रकार हा विद्यार्थ्यांच्या व पालकांच्या शैक्षणिक मनोधैर्याचे देखील खच्चीकरण करत असून तो अत्यंत संवेदनशील आहे असेही ते म्हणाले.
यावेळी कोकण विभागीय अध्यक्ष संतोष नाईक, जिल्हा सचिव अर्जुन परब, जिल्हा महिला संघटक सौ. शिवानी पाटकर, सावंतवाडी तालुकाकोकण विभाग रिक्षा टॅक्सी महासंघाचे सहसचिव सुधीर पराडकर, सदस्य सौ. मेघना साळगावकर, श्री. कृष्णा गवस, देवगड तालुका सदस्य राज खडपे, सांगली नवोदय विद्यालयाचे पीटीसी मेंबर लक्ष्मण कदम उपस्थित होते.
