२५००० इलेक्ट्रॉनिक दिव्यांची आकर्षक रोषणाई आणि सोडण्यात येणार्या २०० आकाशकंदिलांनी अनुभवता येणार प्रकाशाची अनोखी पर्वणी..!
मालवण | प्रतिनिधी : सिंधुदुर्ग जिल्ह्यातील मालवण शहर बंदर जेटी येथे पौष शुल्क द्वादशी विक्रम संवत २०८० म्हणजेच सोमवारी, २२ जानेवारी २०२४ च्या शुभ दिनी अयोध्येत श्रीरामाच्या नूतन बालमूर्ती नवनिर्मित श्रीराम मंदिरातील गर्भगृहात स्थापित करून त्याची प्राणप्रतिष्ठा करण्यात येणार आहे. आपणही आपल्या परिसरातील मंदिरांमध्ये सकाळी ११ ते १ या काळात रामभक्त ना एकत्र करून १०८ वेळा जप करावा व सायंकाळी सात वाजता आपल्या घरा समोर ५ पणत्या लावून दीपप्रज्वलन करावे असे आवाहन देखिल धार्मिक प्रसन्नतेने करण्यात येत आहे.
याचेच औचित्य साधून माजी खासदार श्री. निलेश राणे (मालवण कुडाळ विधानसभा संयोजक) यांच्या संकल्पनेतून मालवण बंदर जेटी येथे तीस फूट उंच असणारी भव्य राम प्रतिमा उभी करण्यात येणार आहे.
सायंकाळी ७ वाजता श्री. निलेश राणे व मालवण शहरातील देवस्थान विश्वस्त यांच्या उपस्थिती मध्ये मालवण बंदर जेठी येते २५००० इलेक्ट्रॉनिक दिव्यांची आकर्षक रोषणाई टप्प्याटप्प्याने प्रज्वलित करून भव्य दीपोत्सव साजरा करण्यात येणार आहे. रात्री ८ वाजता २०० आकाश कंदील प्रज्वलित करून आकाशात सोडण्यात येणार आहेत. हा भव्य दिव्य दीपोत्सव साजरा करण्यासाठी सर्व मालवणवासीय मोठ्या संख्येने बंदर जेठी येथे उपस्थित राहावे अशी विनंती भारतीय जनता पार्टी मालवण तर्फे करण्यात येत आहे.
