मालवण | सुयोग पंडित : सिंधुदुर्ग जिल्ह्यातील मालवणचे गोविंद ऊर्फ बंटी केरकर यांनी क्रिकेट मधील पंचगिरी क्षेत्रात आणखीन एक टप्पा पूर्ण केला आहे. महाराष्ट्र क्रिकेट असोसिएशनच्या वतीने घेण्यात आलेल्या पंच परीक्षेत सिंधुदुर्ग जिल्ह्यातून गोविंद उर्फ बंटी केरकर यांनी यश मिळवले आहे. त्यांच्यासह जिल्ह्यातील दिनेश कुबडे ( सावंतवाडी ), वल्लभ घोटगे (दोडामार्ग ), मनोज कुडाळकर ( कुडाळ ) या चार पंचांना असे यश प्राप्त झाले आहे.
आता या चारही पंचांची पुणे येथे २५ आणि २६ ऑगस्टला होणाऱ्या Viva / video / presentation exam ( नेक्स्ट लेवल परीक्षा) साठी निवड झालेली आहे. गोविंद ऊर्फ बंटी केरकर व इतर यशस्वी पंचांचे सिंधुदुर्ग जिल्ह्यातील क्रिकेट प्रेमी, खेळाडू व तज्ञांनी अभिनंदन केले आहे.
