अखिल भारतीय शिक्षक संघाचे सर्वांनी मानले आभार
मसुरे | प्राजक्ता पेडणेकर : अखिल भारतीय प्राथ.शिक्षक संघ सिंधुदुर्ग यांनी लोकार्पण केलेली अँम्ब्युलन्स मालवण तालुक्यातील गोळवण आरोग्य केंद्राला मिळाली आहे. या रुग्णवाहिकेचा पूजन कार्यक्रम गोळवण प्राथमिक आरोग्य केंद्र गोळवण येथे संपन्न झाला. कार्यक्रमाच्या अध्यक्षपदी माजी बांधकाम सभापती श्री.संतोष साटविलकर होते. सरपंच सुभाष लाड यांच्या हस्ते पूजन करण्यात आले. यावेळी जि.प.सदस्या सौ.बांदेकर मँडम, मालवण सभापती श्री.अजिंक्य पाताडे,गोळवण सरपंच श्री.सुभाष लाड, उपसरपंच श्री.गावडे,अखिल भारतीय शिक्षक संघ मालवण तालुका अध्यक्ष श्री गुरुनाथ ताम्हणकर व राज्य पुरस्कार प्राप्त शिक्षक शिवराज सावंत,आरोग्य आधिकारी, डाँक्टर, आरोग्य कर्मचारी तसेच बहुसंख्य गोळवण ग्रामस्थ उपस्थित होते. सुमारे आठ लाख रुपये किमतीची रुग्णवाहिका दिल्या बद्दल सर्व मान्यवरांनी शिक्षक संघाच्या या उपक्रमाचे विशेष कौतुक केले.