पाट महाविद्यालय येथे मुंबई विद्यापीठाच्या आजीवन अध्ययन व विस्तार विभागाच्या द्वितीय सत्र प्रशिक्षण कार्यक्रमाचे आयोजन.

शिरगांव | संतोष साळसकर :
कुडाळ पाट येथील एस. के. पाटील शिक्षण प्रसारक मंडळ पाट संचालित डॉ. विलासराव देसाई कला, वाणिज्य आणि विज्ञान महाविद्यालयात मुंबई विद्यापीठाच्या आजीवन अध्ययन व विस्तार विभागाचा शैक्षणिक वर्ष २०२२-२३ च्या व्दितीय सत्राचा प्रशिक्षण कार्यक्रम सोमवार दि. २१ नोव्हेंबर रोजी आयोजित करण्यात आला आहे.
मुंबई विद्यापीठातील अनेक मान्यवर व्यक्तीच्या मार्गदर्शनाचा लाभ घेण्याची संधी यावेळी उपलब्ध होणार आहे. तरी विद्यापीठाच्या सदर विभागात सहभागी असलेल्या सिःधुदुर्ग जिल्ह्यातील सर्व महाविद्यालयांनी या कार्यक्रमात आपला सहभाग दर्शवावा. असे आवाहन मुंबई विद्यापीठाच्या आजीवन अध्ययन व विस्तार विभागाचे संचालक डॉ. कुणाल जाधव व पाट महाविद्यालयाच्या वतीने करण्यात आले आहे.