विवेक परब | एडिटोरिअल असिस्टंट : सिंधुदुर्ग जिल्ह्यातील मालवण तालुक्यातल्या पळसंब येथील शाळा क्रमांक १ इथे आज शारदा पूजन तथा सरस्वती पूजन उत्साहाने संपन्न झाले.
विद्येची देवता असलेल्या श्री देवी शारदेची शालेय शिक्षक वृंद, विद्यार्थी वर्ग व इतर शालेय सहकारी व्यक्ती घटकांनी आरती व वंदन केले.
यावेळी पळसंब गावचे सरपंच चंद्रकांत गोलतकर व पं.स.माजी सभापती अशोक बागवे विशेष उपस्थित होते.
या सोहळ्यात गांवचे आदर्श सरपंच नुकतेच सरपंच सेवा संघाच्या अध्यक्षपदी निवड झालेले चंद्रकांत गोलतकर यांचा सत्कार करण्यात आला.
यावेळी पं.स.माजी सभापती अशोक बागवे यांनी उपस्थित शालेय विद्यार्थी वर्गाला संबोधित केले.
या कार्यक्रमाला ग्रामपंचायत सदस्य, प्रशालेचे शिक्षक , पालक,माजी विद्यार्थी,अंगणवाडी सेविका मदतनीस, माजी सरपंच व इतर मान्यवर मोठ्या संख्येने उपस्थित होते.
