मुणगे हायस्कुलला पाठ्यपुस्तके भेट..!

मसुरे | प्राजक्ता पेडणेकर :
देवगड तालुक्यातील मुणगे येथील श्री भगवती हायस्कुलच्या नववी व दहावीच्या विद्यार्थांना मुणगे गावचे सुपुत्र शांताराम सावंत, अभिजित सावंत यांच्या कडून शालेय पुस्तके भेट देण्यात आली.
आठवी पर्यंतच्या मुलांना पुस्तके मोफत मिळतात. परंतु नववी व दहावीच्या मुलांना सदर पुस्तके विकत घ्यावी लागतात. त्यामुळे गरीब परिस्थितीतील मुलांना सदर पुस्तकांचा वापर करता येणार आहे. सदर पुस्तके श्रीपाद बागवे यांनी संस्था व्यवस्थापक देवदत्त उर्फ आबा पुजारे यांच्या हाती नुकतीच सुपूर्द केली.
प्रशालेच्या वतीने सदर मदतीबद्दल आभार मानण्यात आले. यावेळी यशस्विनी प्रतिष्ठान अध्यक्ष आनंद मालाडकर , पोलीस पाटील सौ साक्षी गोविंद सावंत, मुख्याध्यापिका श्रीमती एम. बी. कुंज, ग्रामपंचायत सदस्य सौ मालाडकर, सौ सावंत, श्रीपाद बागवे, प्रणय महाजन, प्रसाद बागवे, सौ गौरी तवटे, हरीश महाले, अंकित सावंत, एन जि वीरकर, सौ रश्मी कुमठेकर, झुंजार पेडणेकर आदी उपस्थित होते. प्रस्ताविक मुख्याध्यापिका एम बी कुंज तर सूत्रसंचालन सौ गौरी तवटे, आभार प्रशालेचे शिक्षक प्रसाद बागवे यांनी मानले.