कै.दत्तात्रय उर्फ दादा चव्हाण यांच्या स्मरणार्थ दिला जाणारा सन्मान पुरस्कार.
कणकवली | उमेश परब (सिंधुदुर्ग ब्युरोचीफ ) : शिवजयंती उत्सव मंडळ, हळवल यांच्या वतीने गेली १३ वर्षे कै.दत्तात्रय उर्फ दादा चव्हाण यांच्या स्मरणार्थ आदर्श व्यक्तिमत्त्व पुरस्कार देऊन तालुक्यातील एका व्यक्तीचा सन्मान केला जातो . यावर्षी हा पुरस्कार कणकवलीचे माजी सभापती मा. मधुकर सावंत यांना मंडळाच्या वतीने जाहीर करण्यात आला.
हळवल शिवजयंती उत्सव मंडळाच्या वतीने गेली ३३ वर्षे मोठ्या उत्साहात तिथीनुसार शिवजयंती साजरी केली जाते.यावर्षीही हा पुरस्कार सोमवार दिनांक २१ मार्च २०२२ रोजी छत्रपती शिवाजी महाराज जयंती दिवशी आमदार वैभव नाईक, मा.जिल्हा बँक अध्यक्ष सतीश सावंत, शिवसेना नेते संदेश पारकर, अतुल रावराणे यांच्या उपस्थितीत दिला जाणार आहे.
यावेळी मोठ्या संख्येने उपस्थित राहावे असे आवाहन संस्थापक अध्यक्ष तथा शिवसेना उपतालुकाप्रमुख श्री.राजू राणे यांनी केले आहे.