आमदार निलेश राणे यांचे महाराष्ट्र राज्य परिवहन मंत्री प्रताप सरनाईक यांना पत्र.
मालवण | प्रतिनिधी : कुडाळ मालवण विधानसभा मतदारसंघाचे आमदार निलेश राणे यांनी परिवहन मंत्री प्रताप सरपाईक यांच्याकडे, कुडाळ व मालवण एस टी आगाराला ४३ नवीन बसेस मिळण्याची मागणी पत्राद्वारे केली आहे.
दिलेल्या पत्रात आमदार निलेश राणे यांनी म्हटले आहे की माझ्या मतदार संघातील राज्य परिवहन महामंडळाच्या कुडाळ व मालवण आगारातील अनेक बस नादुरुस्त असून यामुळे ग्रामीण भागातील अनेक फेऱ्या रद्द करायची वेळ आली आहे. यामुळे शाळकरी मुले व नोकरीनिमित्त प्रवास करणारे नागरीक, महिला, वृद्ध यांना मोठ्या समस्येचा सामना करावा लागत आहे. या प्रश्नांचा गांभीर्यपूर्वक विचार करत माझ्या मतदार संघातील कुडाळ आगारासाठी किमान २५ तर मालवण आगरासाठी किमान १८ अश्या एकूण ४३ नविन एसटी बस उपलब्ध करून देऊन सहकार्य करावे.