मायमाऊली महिला सबलीकरण संस्था मालवण लायन्स क्लब यांचा कार्यक्रमाला उत्स्फूर्त प्रतिसाद.
मालवण | प्रतिनिधी : मालवण शहरातील देवज्ञ भवन येथे मायमाऊली महिला सबलीकरण संस्था मालवण आयोजीत लायन्स क्लब ऑफ मालवण यांच्या सहयोगाने संपन्न कार्यक्रमात प्रमुख अतिथी म्हणून उद्योजिका, आरोग्य तज्ञ व समाजसेविका सौ. स्मृती महेश कांदळगांवकर व उद्योजिका, समाजसेविका व महिला नेत्या सौ. शिल्पा यतीन खोत यांनी महिलांना परखड मार्गदर्शन केले. महिला सबलीकरण संस्था मालवणच्या संस्थापिका सौ. फॅनी मार्शल फर्नांडिस, समाजसेविका सौ. स्वप्नाली नेरुरकर यांची या कार्यक्रमाला मान्यवर म्हणून मंचावर उपस्थिती होती. ५ ऑक्टोबर रोजी हा भव्य कार्यक्रम संपन्न झाला.
सौ. स्मृती महेश कांदळगांवकर.
सौ. शिल्पा यतीन खोत.
महिलांचे सबलीकरण हेच उज्वल भविष्याचे धोरण हे ब्रीदवाक्य घेऊन कार्यरत असलेल्या मायमाऊली महिला सबलीकरण संस्था मालवण यांच्या वतीने आयोजीत या कार्यक्रमात प्रमुख अतिथी सौ. स्मृती महेश कांदळगांवकर यांनी महिला सबल आहे याच्या जाणिव जागृतीविषयक संबोधन केले. समाजसेविका सौ. शिल्पा यतीन खोत यांनी छत्रपती शिवरायांचे स्त्री सन्मान संस्कार व जिजाऊंची विजिगीषू वृत्ती या बद्दल सर्वसामान्य स्त्रीमध्येही कसे चैतन्य चेतवता येते याबद्दल प्रेरक उद्बोधन केले. सौ. गौरी सातार्डेकर यांनी त्यांचे मनोगत व्यक्त केले.
सौ. फॅनी मार्शल फर्नांडिस. ( संस्थापक मायमाऊली महिला सबलीकरण संस्था मालवण व सचिव लायन्स क्लब ऑफ मालवण. )
या कार्यक्रमाला उपस्थित राह्यलेल्या मान्यवर व महिलांचे तसेच दैवज्ञ भवन पदाधिकारी सदस्यांचे आभार मानण्यात आले. या कार्यक्रमाचे सूत्रसंचालन सौ. मिताली मोंडकर यांनी केले. यावेळी महिलांचे गरबा सादरीकरण व दीपक मोर्ये व जगदीश तोडकर यांचा कराओके लाईव्ह गायनाचा कार्यक्रम देखील संपन्न झाला. समाजसेवक विशाल ओटवणेकर यांचा या कार्यक्रमाला सहयोग होता.
या कार्यक्रमाला माय माऊली महिला सबलीकरण संस्था मालवण यांच्या संस्थापक सदस्या, लायन्स क्लब ऑफ मालवणच्या सदस्या आणि मालवणच्या महिला मोठ्या संख्येने उपस्थित होते.
