पर्यटन व्यावसायिक महासंघाचे अध्यक्ष विष्णू मोंडकर यांनी केली निवड.
सिंधुदुर्ग | प्रतिनिधी : पर्यटन व्यावसायिक महासंघ जिल्ह्याच्या शाश्वत नियोजनबद्ध पर्यटन विकासासाठी कार्यरत आहे आणि वैद्यकीय पर्यटन क्षेत्रातही पर्यटन महासंघ पुढाकार घेणार असून जिल्ह्याला वैद्यकीय पर्यटन क्षेत्रात एक वेगळी ओळख मिळवून देण्याचा मानस पर्यटन महासंघाचा असून यासाठी वैद्यकीय पर्यटन सिंधुदुर्ग जिल्हा संयोजक म्हणून सौ संगीता महाडिक यांची निवड पर्यटन व्यावसायिक महासंघाचे अध्यक्ष श्री विष्णू मोंडकर यांजकडून करण्यात आली. उपसंचालक पर्यटन संचानालय कोकण विभाग ह्यांचा यांच्या हस्ते सौ संगीता महाडिक यांचा सत्कार करून त्यांना जबाबदारी देण्यात आली. सौ. संगीता महाडिक या आजोळ, ज्येष्ठ नागरिक वैद्यकीय पर्यटन व सेवा केंद्र , नेरुर, कुडाळ सिंधुदुर्ग च्या संचालक असून त्यांनी पर्यटन महासंघाने दिलेल्या जबाबदारीच्या माध्यमातून जिल्ह्यातील आठही तालुक्यात वैद्यकीय पर्यटन वाढीसाठी आपण काम करणार असल्याचा मानस व्यक्त केला. यावेळी श्री. रविकिरण उर्फ विकी तोरसकर, श्री मंगेश जावकर, सौ. अन्वेषा आचरेकर आणि अन्य पर्यटन व्यावसायिक उपस्थित होते.
