शिवडाव हायस्कूलच्या गणेश दाभोळकरची विभागीय तायक्वाँदो स्पर्धेसाठी निवड.

संतोष साळसकर | सहसंपादक : जिल्हास्तरीय तायक्वांदो स्पर्धेत शिवडाव माध्यमिक विद्यालयाचा विद्यार्थी गणेश विनोद दाभोळकर याने प्रथम क्रमांक पटकावला. तो विभागीय स्पर्धेसाठी सिंधुदुर्ग जिल्ह्याचे प्रतिनिधीत्व करणार आहे. तर प्रशालेचा दुसरा विद्यार्थी राहुल सत्यवान वंजारे याने जिल्हास्तरीय तायक्वांदो स्पर्धेत द्वितीय क्रमांक पटकावला. गणेश व राहुल यांना मुख्याध्यापक व क्रीडा शिक्षक संजय मसवेकर यांचे मार्गदर्शन लाभले. या यशाबद्दल प्रशाला शालेय समिती अध्यक्षा भाग्यरेखा दळवी, खजिनदार विद्याधर गांवकर, सदस्य अमेय सावंत व गणेश म्हसकर तसेच शिवडाव सेवा संघ, मुंबईचे अध्यक्ष श्रीरंग शिरसाट, कार्याध्यक्ष मोहन पाताडे, कार्यवाह काशिराम गांवकर यांनी अभिनंदन केले.